ESB málið.

Sælir bloggarar.

Ég vil koma því fram hér á blogginu mínu að skrif mín um að gera hlé á viðræðunum á inngöngu okkar í ESB er rangt eða alla vega hef ég breytt minni skoðun frá 15 apríl. Ég viðurkenni að ég lét Sjálfstæðisflokkinn plata mig með ummælum um að nú sé best að gera hlé á viðræðum og jafnvel halda þjóðaratkvæðagreiðslu um það hvort við ættum að halda viðræunum áfram.

Bjarni Ben talaði um það í fjölmiðlum að það ætti að gera hlé, vegna þess að ekki væri búið að semja um makrílinn og að ESB hefði blandað sér í Icesave deiluna.

Nú sé ég að allt gengur snurðulaust í viðræunum og ekkert hefur meira frést af Icesave.

Ég mun aldrei aftur láta Sjálfstæðisflokkinn blekkja mig aftur og mun aldrei kjósa hann, enda vil ég ekki fá hrun flokkinn yfir mig aftur.

Ástæðan fyrir því að ég segi að við ættum að halda áfram með viðræðurnar eru þær að þær ganga vel núna, en svo breytir það ekki nokkru máli hvort við hættum núna eða ekki, því kosningar verða eftir tæpt ár og þá verður þetta mál kosningamál og aðildarviðræðurnar verða hvergi nærri lokið, svo það skiptir ekki máli.

Þeir sem eru á móti geta þess vegna andað léttara, alla vega þangað til kosningarnar koma. Því miður eru skoðanakannarnar þannig að Sjálfstæðisflokkur og Framsókn gætu mynda stjórn og þá væri komið sama mynstur og var á flottræfilstímanum þegar hinir ríku urðu ríkari og hinir fátæku urður fátækari, sem endaði svo með brotlendingu bankakerfisins. Þetta var Frjálshyggju stefnan í allri sinni dýrð og ég vona að hún komi ekki aftur.

Ég vildi endilega leiðrétta þetta að ég er stuðningsmaður þess að halda áfram viðræunum og sjá hvað kemur úr þeim og það fer svo í þjóðaratkvæðagreiðslu. Eins er ég stuðningsmaður þess að taka upp Evru eða jafnvel Dollara, því krónan okkar er ónýtur gjaldeyrir.

Þetta vildi ég koma til skila.

kv. Hörður.

Á að gera hlé á viðræðunum við ESB?

Sælir félagar.

Var að lesa viðtal við Bjarna Ben á Rúv þar sem hann hvetur til að við gerum hlé á viðræðunum við ESB.

Ég hef alltaf verið þeirrar skoðunar að halda áfram með þær og sjá hvað við gætum fengið út úr þeim og síðan fengi maður svo að kjósa um það í þjóðaratkv. greiðslu. Ég aftur á móti finnst rétt að maður megi skipta um skoðun ef aðstæður breytast og er ég að verða orðinn að þeirri skoðun fylgjandi að kannski sé rétt að gera hlé að viðræðunum og jafnvel senda þær svo í þjóðaratkvæðagreiðslu síðar á þessu ári t.d. í haust.

Það er margt sem gerir það að verkum að gott væri að gera hlé og staldra við og hugsa okkur um. Það þarf t.d. að klára Icesave deiluna og þar er nú t.d. ESB búinn að blanda sér í þá deilu. Síðan þarf að halda áfram með samningaviðræður við ESB um makrílinn. Svo er að almennt ástandið á Evru svæðinu sem hefur verið ótraust undanfarið ár. Ég hef verið þeirra skoðunar að við Íslendingar tæku upp Evru, en einhver bið verður á því, svo maður verður þá að draslast með okkar krónu í bili.

Ég sæi það fyrir mér að það væri þá hægt að taka bæði Stjórnarskrámálið og hvort við ættum að halda viðræðunum áfram um aðeild okkar í ESB saman í Þjóðaratkvæðagreiðslu í haust. Þar með gæti Samfylkingin slegið 2 flugur í einu.

Það er hvort sem er ekki nema rúmlega 1 ár í næstu kosningar ef þær verða ekki fyrr og þessar aðildarviðræður munu hvort sem er ekki klárast á þeim tíma, svo að gera hlé, mundi ekki skaða okkur núna. Betra er að vera með allt á hreinu og vera búin með Icesave og makríl deiluna áður en framhald verður á viðræðum.

Samt vil ég halda áfram með viðræðurnar, en finnst við vera komnir á einhvern biðstað með þær. Samfylkingin þarf að finna sér pólitíska biðleik í þessu og þora að gera hlé á þeim, enda eru flestir Stjórnmálaflokkar í kringum þá með á stefnumálum sínum að annaðhvort að gera hlé eða hætta alveg.

Ég held að þetta yrði sterku leikur hjá Samfylkingunni að gera þetta, en ekki festast í þröngu sjónarmáli í þessu máli. Samkv. flestum skoðanakönnunum þá mun Samfylkingin tapa miklu í næstu kosningum, svo það verður að fara snúa vörn í sókn og semja sig út úr þessum vandræðum.

Kv. Hörður.

Fólk er fljótt að gleyma og vill aftur íhaldið við völd.

Sælir bloggarar.

Ég var að lesa þessa skoðanakönnun og líst frekar ílla á hana.

Fólk virðist vera mjög fljótt að gleyma því að Sjálfstæðisflokkurinn var við völd í 18 ár og átt þátt í því að einkavæða bankana sem svo varð að hinu miklu bankahruni. Frjálshyggjustefnan var allsráðandi á þessum tíma og sérstaklega á árunum 2005-2008.

Útrásarvíkingarnir voru hylltir sem konungar sem væru hinu einu réttu bjargvættir þjóðarinnar. Allt reyndist þetta vera lýðskrum að lokum enda fórum við út af bjargbrúninni.

Í allri þessarri ringulreið, þá var vinstri flokkunum treyst til að stjórna björgunaraðgerðum og gera það sem hægt væri, svo við færum ekki á hausinn.

Í 3 ár eru þeir búnir að vera að moka skítinn eftir aðra og eru vel á veg komnir. Það sem fólk sér ekki, er heildarmyndin og hvernig til hefur tekist á þessum 3 árum. Fólk getur alltaf rifist um einstök smáatriði og hvort eitthvað hefði ekki verið hægt að gera betur. Að sjálfsögðu er margt sem hefði verið getað gert betur, en ég held að Sjálfstæðisflokkurinn hefði ekki getað gert betur.

T.d. með þá tillögu Framsóknarflokksins að afskrifa 20% af heildaskuldum heimilanna sem þeir komu fram með á vorið 2009.

Fjármálaöflin í landinu, Sjálfstæðisflokkurinn, ASÍ, VSÍ og Lífeyrissjóðirnir hefðu aldrei samþykkt það og eins ekki AGS (Alþjóðagjaldeyrissjóðurinn) sem var eins og einhverskonar yfirfrakki á okkur á þessum tíma.

Það sem AGS vildi var einfaldlega 1,2 og 3 að skera niður ríkisútgjöld og ef við færum ekki eftir því, þá hefðum við ekki fengið lán frá þeim og önnur lönd eins og Norðurlöndin fóru eftir þeirra ráðleggjun og biðu með lánin þangað til að AGS samþykkti.

Þess vegna er ég hissa á að fólk ætli að kjósa Sjálfstæðisflokkinn aftur til valda og fá yfir okkur mikla hægri sveiflu og frjálhyggjuna. Þeir munu kaffæra t.d. frumvarp um Sjávarútvegin (svokallað kvótafrumvarp) því þeir standa með sægreifunum. Eins vilja þeir hætta með Stjórnlagafrumvarpið þar sem þeir vilja ekki að Náttúruauðlindir okkar verði í þjóðareign. (á Vísir.is var skoðanakönnun á því og 75% vildu að auðlindir okkar væri í þjóðareign).

Margt fleira væri hægt að segja um þessa skoðanakönnun sem er alveg fáránleg, en læt hér staðar numið.

Kv. Hörður

Ríkisstjórnin tapar fylgi

Stór sprunga er að myndast í Ríkisstjórnarsamstarfið.

Sælir bloggarar.

Það var nóg að gera í dag og kvöld. Fyrst að horfa á handboltaleik okkar Íslendinga að keppa við Slóvenia og svo að fylgjast með Alþingi um hvort tillaga Bjarna Benidiktsson um afturköllun á ákæru á Geir H. Hardie fv. forsætisráðherra fyrir Landsdómi.

Leikar fóru þannig að 31-29 voru fylgjandi að halda áfram með málið og það sett í nefnd. Atkvæðagreiðslan fór þvert á flokka, en þar sem maður var helst að fylgjast með var hvernig stjórnarþingmenn mundu greiða atkvæði. Jóhanna Sigurðardóttir vonar að þetta hafi ekki áfrif á stjórnarsamstarfið, en ég held að það hafi myndast stór sprunga á samstarfið og muni halda áfram að stækka með vorinu. Það eykst líkur á að stjórnin springi með vorinu,en vonandi heldur það aðeins lengur til að klára ýmis mál t.d. stjórnarskrá málið og koma því í búning til þjóðaratkvæðagreiðslu.

Fleiri mál má nefna sem hefur verið ágreiningur um og er skammt að minnast t.d. um Vaðlaheiðagöng sem er enn óútkláð.

Ég tók líka eftir í sl. viku þegar 12 ára Samgönguáætlunin 2011-2022 var rædd að menn voru ekki sammála þar. En í henni eru engar stór verkefni fyrrihluta þess og t.d. verður ekki byrjað á Oddskarðsgöngum fyrr en eftir 2015 að ég held og Dýrafjarðargöngum þar á eftir og eins með framhald á að tvöfalda Suðurlandsveg, þannig að allt er þett með mikilli óvissu þar sem það er vísað í framtíðina að gera stórframkvæmdir og margt getur breyst á þeim tíma. T.d. árið 2014 á bara að framkvæma fyrir um 3,7 milljarða sem er það alminnsta sem hefur verið varið í vegagerð í marga áratugi.

Það eru sumir þungaviktamenn í stjórnasamstarfinu sem eru á móti þessu og vilja veita meira fé í samgöngur. Allir verktakar eru að hverfa á landi burt með sín tæki og tól og þá eru góð ráð dýr.

Það gengur allt og hægt að koma Íslandi úr kreppunni, en þar er ekki þar með sagt að ég vilji kosningar strax, því hver á að taka við? t.d. vil ég ekki að Sjálfstæðisflokkurinn taki við. Vonandi koma nýjir flokkar til sögunnar sem þora að taka við, en þeir 2 flokkar sem helst eru nefndir þeir flokkur Guðmundar Steingrímssonar og Lilju Mósesdóttir en erfitt verður að láta þá starfa saman, þar sem flokkur Lilju er lengst til vinstri og á móti ESB en flokkur G.S. er með því að klára aðildarumsóknina og er frjálslindur jafnarðarmannaflokkur. Já nú man ég að hann heitir Björt Framtíð.

Læt þetta nægja í bili og fylgjast áfram með stjórnmálunum og þar á bæ verður örrugglega mikið um að vera næstu mánuðina.

kv. Hörður.

Óvíst um áhrif á samstarfið

Um Pólitík - 3 hluti.

Sælir bloggarar.

Ég hef áður rætt hér um Pólitík og ætla að skrifa a.m.k. eina grein í viðbót um hana. Það sem gerði það að verkum að ég fer af stað með þessa grein var að ég las á DV.is grein eftir Teit sem býr í Gautaborg um Sjálfstæðisflokkinn.

Þannig að mig langar til að spjalla aðeins um Sjálfstæðisflokkinn og það hvernig við Íslendingar tölum um Pólitík.

Það er alvitað að Sjálfstæðisflokkurinn var við völd samfellt í 18 ár áður en efnahagshrunið var hér 2008. Þeir sem hafa gleymt því þá upplýsist það núna.

Margir vita það líka að það varð mikil hægri sveifla í heiminum sem kom líklega eftir að Berlínarmúrinn féll árið 1989. Þetta var hin svokallaða nýfrjálshyggja þar sem einstaklingurinn mátti gera nánast hvað hann vill til að koma sér áfram, án þess þó að brjóta lög. Á þessum tíma var flestum eftirlitsstofnunum skapaðar þröngar skorður og lítið eftirlit var með fjármálageiranum og óx hann mjög mikið á þessum tíma. í Kjölfarið varð mikil spilling, þar sem hver og einn var að sanka að sér peningum og völdum.

Í þessarri veröld óx Sjálfstæðisflokkurinn hér á landi og eins og í fleiri löndum þá var það alger "tabú" að hafa einhverjar eftirlitsstofnanir til að hafa eftirlit með bönkunum. Þeir uxu og uxu á þessu tímabili og sérstaklega eftir aldamótin 2000 til 2008. Þess má geta að ein sú stofnun sem var við lýði og sá um þjóðhagsspá var Þjóðhagsstofnun en hún var lögð niður af Sjálfstæðisflokknum af Davið Oddsyni sem var forsætisráðherra í 13 ár. Ég tel það hafa verið ógæfuspor að leggja hana niður.

Með þessarri söguskoðun að baki og allt það sem gekk á árið 2008, þegar í ljós kom að margir af útrásarvíkingunum sem við kölluðum fjármálamenn og bankamenn voru mikið spilltir og söfnuðu peningum til sín og veigruðu sér ekki að leggja heilu bankana á hausinn, bara til að verða sjálfir ríkari og ríkari.

Þá kemur að því að þessi nýfrjálshyggju stefna sprakk í loft upp hér á landi árið 2008 og einnig í öðrum löndum. Og í árbyrjun 2009 kom hér mikil mótmælabylgja við þessarri stefnu sem varð til þess að Sjálfstæðiflokkurinn féll.

Þá kemur maður að erindinu mínu, hvað var það sem fólk var að mótmæla? Var það ekki að mótmæla stefnu Sjálfstæðisflokksins og þessarri nýfrjálshyggju stefnu sem settu bankana á hausinn? Jú ég held það eða mig minnir það.

Nú eru liðnir 3 ár frá því að þessir atburðir skeðu og gott að staldra aðeins við. Hvað er það sem margt fólk í landinu er að mótmæla núna? Jú það er að mótmæla núverandi stjórn sem er vinstri stjórn og vill gamla Sjálfstæðisflokkinn aftur við völd og er búinn að gleyma öllu sem áður gerðist. Erum við Íslendingar svona fljótir að gleyma? Já í Pólitík er allt hægt. Ef maður vogar sér að gagnrýna t.d. Sjálfstæðisflokkinn, þá segja þeir sem styðja hann í stað þess að verja hann og koma með eitthvað gott sem hann hefur gert, þá rakka menn niður Samfylkinguna og VG og segjast hata hana og vilja þessa stjórn norður og niður.

Eins og þessi Teitur sagði og tók sem dæmi, að ef maður segði að ein bíltegund væri léleg, þá kæmi maður ekki með þá mótrök að einhver önnur bíltegund væri enn lélegri. Það er allavega léleg afsökun.

Ef menn ætla að tala og rökræða Pólitík, þá verða menn að geta varið sinn flokk en ekki rakka alla aðra niður.

Í þessu spjalli mínu er þó á engu sagt að Samfylking og VG séu það besta fyrir okkur núna, heldur er ég að tala um Sjálfstæðiflokkinn í þessum pistli og það hvað menn eru fljótir að gleyma.

Nú styttist í kosningar eða í síðasta lagi vorið 2013. Það er von mín að þar verði sem flest framboð í boði svo menn hafi nóg um að velja. Um þá mögulega framboð sem gætu orðið talaði ég um í öðru pistli um Pólitík. Sjá mínar greinar á www.hordurj.blog.is

kv. Hörður.

Iðnaðarráðherra sakar Ögmund um dylgjur.

Sælir bloggarar.

Nú er manni alveg lokið. Ætlar Ögmundur aldrei að hætta þessarri útlendinga hatri. Nú síðast er hann með dylgjur í garð Katrínar Júlíusdóttir Iðnaðarráðherra vegna þess að hún sem Ferðamálaráðherra ætlar að halda fund með Huang og aðstoðarmönnum hans og leiðbeina þeim í gegnum Íslensk lög hér.

Þá heldur Ögmundur því fram eða er með dylgjur um það að hún ætli að hjálpa honum að sniðganga Íslensk lög. Þetta eru alveg rakalaus þvættingur, því staðan í dag er þessi: Útlendingar utan ESB meiga ekki fjárfesta í Sjávarútvegi og í Orkugeiranum og á kaup á landi samkvæmt Íslenskum lögum. Að öðru leiti meiga útlendingar að fjárfesta hér t.d. í ferðamálum.

Vona að Iðnaðarráðherra taki málin föstum tökum og láti ekki Ögmund slá sig út af laginu.

kv. Hörður.

Sakar Ögmund um dylgjur

Gott mál hjá Iðnaðarráðherra.

Sælir bloggarar.

Var að lesa þessa frétt.

Gott mál hjá Iðnaðarráðherra að fara af stað og reyna að semja við Huang um fjárfestingu í ferðaþjónustu.

Eftir að Ögmundur hafnaði landkaupunum á Grímstöðum á Fjöllum, þá eru margir aðrir kostir í stöðunni t.d. að leigja honum landið til 50-99 ára. Eins gæti verið gott ef hann hefur áhuga að reisa Hótel annarstaðar t.d. á Húsavík, Akureyri eða annarstaðar á norðaustur horni landsins. Gott væri líka ef hann vildi fjárfesta á Suðurnesjum þar sem er mikið atvinnuleysi.

Bíðum og sjáum hvað setur.

kv. Hörður.

Stjórnvöld í viðræðum við Nubo

Samanburður á Magna og kínverjanum Huang.

Sælir bloggarar.

Vegna skrifa minnar í síðustu grein, hefur orðið heilmikil umræða í athugasemdum hjá mér, þar sem menn hafa verið alltof heitt í hamsi og verið með ókurteisir, þannig að ég varð að eyða skrifunum, vil ég í þessarri grein gera smá samanburð á hvernig kanadíska fyrirtækið Magna kom hér inn og á framkvæmdamanninum og ferðafrömuðinum kínverjanum Huang.

Þegar Magna kom hér inn og keypti HS Orku þá gerði hann það í gegnum sænskt skúffufyrirtæki og þetta var náttúrulega orkuauðlind Íslendingar, en það sem kínverjinn Huang ætlar að gera er að koma til dyranna eins og hann er án þess að nota skúffufyrirtæki og án þess að taka auðlindir okkar. Það sem hann ætlar að gera er að hjálpa okkur að byggja upp ferðaiðnaðinn með því að kaupa land á Grímstöðum á Fjöllum og byggja þar Hotel og gólfvöll.

Ég sé ekki við hvað sumt fólk þarf að vera hrætt við það, einmitt þar sem hann sjálfur hefur sagt að hann sé ekki á höttunum eftir vatnsréttindum.

Vona að þetta skýri út muninn á Magna og Huang.

kv. Hörður.

Ögmundur kominn aftur til kalda stríðsins og nú er það Kínagrílan.

Sælir bloggarar.

Enn og aftur kemur Ögmundur fram á sjónarhólið og nú er það Kínagrílan allsráðandi og hann kominn aftur til kalda stríðsins, þar sem menn sáu óvini allstaðar. Við lifum á allt öðrum tímum í dag og við eigum ekki í stríði við Kína, ekki svo ég viti til. En Ögmundur heldur það allavega.

Ef við eigum að fá fjáfestingar inn í landið þá verðum við að láta pólitík og kalda stríðs hugsunarhátt út um gluggann og taka fagnandi ef einhver vill fjárfesta hér á landi, ekki veitir af.

En að sjálfsögðu verðum við að fara varlega og að lögum og allir verða að vera jafnir, hvort sem er Dani, Rússi, Þjóðverji eða Kínverji.

Það hlýtur að vera hægt að semja við Huang alveg eins og alla aðra t.d. að hann afsali sér öll vatnsréttindi eins og hann hefur sjálfur sagt og eins er hægt að semja við hann um hlutfall Íslenskra mannafla á framkvæmdatíma og líka hve hátt % Íslendingar eiga að fá vinnu á Hotelinu þegar það verður fullbyggt.

Ef menn hætta að vera í þessum Pólitíska sandkassaleik, þá er hægt að semja.

kv. Hörður.

Olnbogar sig ekki áfram á Íslandi

Grikkland lætur undan ESB. (Stjórnin hélt velli hjá þeim).

Sælir bloggarar.

Var að lesa þessa frétt um að stjórnin í Grikklandi hélt velli í atkvæðagreiðslu á Gríska þinginu.

Ég held að Papandreau ætli ekki að setja málið í  þjóðaratkvæðagreiðslu, þar sem stjórnin hélt velli. Ég held að Papandreau hafi gefist upp fyrir Merkel kanslara Þýskalands og Sharkoci Frakklandsforseta, sem vilja stækka björgunarsjóðinn og að Grikkland skeri niður hjá sér og láti almenning borga eins og Alþjóðagjaldeyrissjóðurinn ætlaðist af stjórninni hér að gera.

Enn á ný á að bjarga bönkum og láta almenning borga brúsann, eins og er að gerast víða um heim. Vonandi stendur hann fastur á því að láta fara fram þjóðaratkvæðagreiðslu, en ég efa það stórlega. Það væri gaman að vita hvað mundi gerast ef Grikkir mundu fella björgunarpakkann í þjóðaratkvæðagreiðslunni. Þá yrði allt vitlaust í Evrópu og stjórnmálamenn mundu rífa í hár sér hlutabréf mundu falla og einhverjir bankar mundu fara á hausinn. En hvað svo? Jú, Grikkir gætu ekki borgað skuldir sínar og það þyrfti svo bara að semja um hvað þeir gætu borgað mikið. Held að til lengri tíma litið mundi ekki mikið breytast, en til styttri tíma, þá mundi nokkrir stjórnmálamenn hafa rifið í hár sér og nokkrir bankar hafa farið á hausinn.

Læt ykkur um að giska á framhaldið.

kv. Hörður.

Stjórnin hélt velli