Leikurinn í dag var hörmulegur.

Ég ætla aðeins að minnast á leik okkar gegn Liechtenstein.

Ég var að vísu í vinnunni að afgreiða hjá Olís í Mjódd, en sá þó leikinn með öðru auganu, þar sem sjónvarpskjár er þar.

Til að gera langa sögu stutta, þá var leikur Íslands mjög tilþrifalítill og hörmulegur.

Við áttum að vinna, því okkur sárvantaði 3 stig til að laga okkar stöðu í riðlinu.

Við höfum núna tapað að mig minnir 4 leiki í röð og eitt jafntefli, sem er óásættanlegt.

Ég man þá tíð þegar Guðjón Þórðarson var landsliðsþjálfari að staða okkar var allt önnur og betri.

Þá er spurningin, hvað er hægt að gera?

Veit ekki, en það hlýtur að fara að hitna undir Eyjólfi núverandi þjálfara.

Kannski væri best að finna annan, sem gæti hrist upp í þessu.

Ég var einnig að lesa um Leikinn Danmörk og Svíþjóð.

Þetta hefur verið alveg makalaus leikur og á eftir að reynast Danmörku þungur í skaut.

Þeir munu örrugglega fá þunga sekt og kannski heimaleikabann.

Læt þetta nægja um fótboltann í bili.

Kveðja, Hörður.

Ágúst Ólafur formaður Viðskiptanefndar.

Sælir bloggarar.

Ég hef nú verið að vinna kvöldvaktir, svo ég hef ekki getað fylgst nógu vel með blogginu sl. 1-2 daga.

Held samt að enginn skaði sé skeður.

Er að skoða bloggið núna og fór inn á bloggsíðu Ágústar Ólafar.

Þar segir hann frá þeim verkefnum sem hann fékk og biður menn að sofa alveg rólega yfir velferð sinni.

Ég ætla að taka hann á orðinu, líka vegna þess að ég er fylgismaður Samfylkingarinnar.

Nú kemur það í ljós að það var hans vilji að verða formaður Viðskiptanefndar og fékk hann það.

Ég óska honum til hamingju með það og þau önnur störf sem hann fær.

Ég get núna sofið rólegur eins og allir aðrir ættu líka að geta gert.

Ágúst segist vera ánægður með þau störf sem honum hafa verið fólgin.

Kær kveðja,

Hörður.

Feginn að Kobe ætlar að vera áfram hjá LA Lakers!

Sælir bloggarar.

Mér sem sönnum Lakers aðdáanda, brá nokkuð í brún þegar ég las í morgun að Kobe Bryant væri að hugsa að frá félaginu.

Ég hef alltaf séð eftir þegar Shaq fór frá Lakers.

Félagið er ekki svipur að sjón eftir það, en það myndi hrynja niður ef Kobe myndi fara.

En svo núna í kvöld, þá las ég það að Kobe hefði talað við Phil Þjálfarann hjá Lakers og gaf svo út yfirlýsingu að hann ætlaði að vera áfram hjá Lakers.

Mikið er ég feginn. Ég vona að þeir geti fengið fleiri góða menn til sín, en það er víst ekki mikið um það í NBA að leikmenn skipti um félög.

Aðalástæðan er svokallað launaþak sem aftrar félögum að fá nýja menn.

En enn og aftur góðar fréttir frá Lakers!

Kveðja, Hörður.

Bryant hættir við að hætta hjá Lakers

Innilegar samúðarkveðjur vegna fráfalls Ástu.

Þar sem ég er einn af bloggurum hérna á mbl.is vil ég biðja fjölskyldu og ættingjum Ástu innilegar samúðarkveðjur vegna fráfalls hennar.

Þó að ég sé frekar nýr hérna á blogginu, þá hef ég heyrt að hún hafi verið mikil dugnaðarforkur hérna á blogginu.

Kveðja, Hörður.

Ásta Lovísa Vilhjálmsdóttir látin

Arkitektakeppni um skipulag Lækjartorgreitsins.

Rak augun í þessa frétt.

Nú er rétti tíminn til að koma með margar mismunandi tillögur.

Ég er á því að það mætti nýta lóðirnar meira með hærri húsum eins og er í Lækjargötu.

T.d. mætti byggja á Austurstræti 22 (Prada húsið) 3 hæða hús sem mundi verða sérstakt (skúlptúr) í laginu, sem væri eftirminnilegt.

Eins væri hægt að byggja yfir Lækjartorg svo það væri skjól fyrir vindum.

Þar væri þá hægt að hafa markað og kaffihús.

Nú svo verður gaman að sjá þegar verður búið að byggja upp Tónlistarhúsið og allar byggingarnar sem því tilheyrir.

Ég hef ekki rekist á teikningu af því á Morgunblaðinu og mbl.is

Ég mun seinna ræða betur um það áhugamál mitt um háhýsi hérna á höfuðborgarsvæðinu.

Kveðja, Hörður.

Lækjartorg, Stjórnarráðið og Bernhöftstorfan myndi sterka heild

Enn um Kvikmyndir.

Sælir bloggarar.

Já það virðist vera nokkur gúrka í fréttum, alla vega þangað til Sumarþingið byrjar, eins og einn af bloggvinum mínum sagði.

Á meðan virðist ekki vera úr færi að skoða betur kvikmyndalistana og hvaða kvikmyndir gera það gott.

Í dag ætla ég að skoða seríur og vinsældir þeirra.

Í gær kom ég með smá innlegg um það.

Læt það fylgja og fleiri seríur koma hérna líka.

Byrja á Spider-man:

Spider-man 3: $808.654.583 og er kominn í 15 sæti á heimslistanum.

Spider-man 1: $806.700.000

Spider-man 2: $783.577.893

Næst er það Shrek serían:

Shrek 2: $880.871.036

Shrek 1: $455.100.000 

Shrek 3: $240.348.470 og er rétt að byrja.

Svo er það Pirates of the Caribbean serían.

Nú er þriðja myndin kominn inn, en var það ekki í gær:

PC 2: $1.060.332.628 sem er þriðja aðsóknarmesta mynd í heimi.

PC 1: $653.200.000

PC 3: $367.042.234

Skoðum Lord of the Rings seríuna aftur:

LOTR 3: $1.129.219.252 sem er annar besti árangur í heiminum næst á eftir Titanic.

LOTR 2: $921.600.000

LOTR 1: $860.700.000.

Næst er það Harry Potter serían:

Harry Potter 1: $968.657.891 sem er 4 besti árangur í heiminum.

Harry Potter 4: $892.194.397

Harry Potter 2: $866.300.000

Harry Potter 3: $789.458.727 Má segja að allar hafa þær verið óhemju vinsælar.

Að lokum er það svo Star Wars myndirnar sem eru frægastar af seríu myndunum.

Star Wars 1: $922.379.000

Star Wars 3: $848.462.555

Star Wars 4: $797.900.000 sem er hin fyrsta myndin frá árinu 1977.

Star Wars 2: $648.200.000

Star Wars 6: $572.700.000

Star Wars 5: $533.800.000

Læt þetta nægja í bili.

Kveðja, Hörður.

Kvikmyndaaðsókn í USA og í World 2007.

Sælir bloggarar.

Ætla ekki að tala um Stjórnmál í þessu bloggi, heldur um kvikmyndir, þar sem mikið er um toppmyndir sem er verið að sýna.

Ég hef haldið dagbók um hverjar eru vinsælustu kvikmyndir í USA og einnig í heiminum (World) á árinu. Þetta lofar góðu, en hér koma niðurstöðurnar frá því í kvöld.

Ath. þetta er alltaf að breytast og uppfærist t.d. vinsældalisti í USA daglega en í World cirka vikulega.

Kvikmyndaaðsókn í USA, árið 2007 í $$$.

Nr.	Nafn.	$$$. (Yfir 100 M.)	Sæti í USA.
1	Spider-man 3.	$307,642,000	21
2	Night at the Museum.	$250,714,157	38
3	Shrek 3.	$219,424,000	55
4	300	$208,656,942	67
5	Happy Feed.	$197,992,827	78
6	Wild Hogs.	$163,263,000	127
7	Pirates of the Caribbean 3.	$156,055,000	141
8	The Departed.	$132,373,442	200
9	Borat.	$128,505,958	212
10	Ghost Rider.	$115,802,596	269
11	Blades of Glory.	$115,446,583	272
12	Dreamgirls.	$103,338,338	330

Þarna sést að Pirates of the Caribbean 3 er strax kominn á listann.

Þeir fengu næst mestu aðsókn á þessu ári núna um helgina eða rúmlega $142.000.000 aðeins Spider man 3 fékk meiri aðsókn yfir sína fyrstu helgi eða um $148.000.000. Þarna sést að Spider man 3 stefnir hraðbyri á toppinn og er kominn í 20 sæti allra tíma í USA eftir aðeins 4 vikur.

Gaman verður síðan að fylgjast með Shrek 3 og Pirates 3.

Þess má til gamans segja að Titanic er langvinsælasta myndin í USA með $600.779.824.

Eins er hún langvinsælasta myndin í heiminum með yfir $1.800.000.000 sem er eininlega stjarnfræðilega háar tekjur.

Taflan yfir World er aðeins öðruvísi, þar sem þeir eru aðeins seinni með myndirnar er í USA.

Eins og ég sagði, þá uppfæra þeir ekki alltaf eða cirka viku fresti, en svona lýtur hann út.

Kvikmyndaaðsókn í World árið 2007 í $$$.

Nr.	Nafn.	$$$. (Yfir 200 M.)	Sæti í World.
1	Spider-man 3.	$772,742,000	20
2	Night at the Museum.	$570,914,157	37
3	300	$439,656,942	65
4	Happy Feed.	$378,992,827	91
5	The Departed.	$277,273,442	183
6	Borat.	$256,505,958	206
7	Eragon.	$245,230,163	221
8	Wild Hogs	$238,263,000	234
9	Shrek 3.	$232,724,000	244
10	Ghost Rider.	$223,802,596	263

Hérna sést að Shrek 3 er nýkominn á listann en Spider man 3 er að sigra listann.

Gaman er líka að skoða vinsælar seríur t.d. (heimsaðsókn):

Spider-man 1: $806.700.000

Spider-man 2: $783.577.893

Spider-man 3: $772.742.000

(Spider-man 3 er að ná nr. 2 og 1. og fer bráðum fram úr þeim í vinsældum).

Shrek 2: $880.871.036

Shrek 1: $455.100.000 og

Shrek 3: $232.724.000.

Þarna spái ég að Shrek 3 fari alla vega fram úr Shrek 1 í vinsældum en muni ekki ná vinsældum Shrek 2.

Að síðustu ætla ég að sýna ykkur vinsældir Pirates of the Caribbean 1,2,3.

PC 2: $1.060.332.628 sem er þriðja aðsóknamesta mynd í heimi.

PC 1: $653.200.000

PC 3: er bara kominn á lista í USA með $156.055.000.

Ég spá því að hún fari fram úr PC1 en ná ekki hinum miklu vinsældum mydnar nr. 2.

Fyrst ég er að þessu, þá er hægt að skoða Lord of the Rings 1,2,3.

LOTR 3: $1.129.219.252 sem er annar besti árangur í heiminum næst á eftir Titanic.

LOTR 2: $921.600.000

LOTR 1: $860.700.000.

Læt þetta nægja í bili.

Kveðja,

Hörður.

 

Hvítasunnudagur.

Sælir Bloggarar.

Hér sit ég fyrir framan tölvuna og er að lesa fréttir af mbl.is og bloggfréttir.

Samt sem áður var ekkert sem vakti athygli mína til að skrifa um.

Þó sá ég frétt um Ingibjörg Sólrúnu Utanríkisráðherra og verður viðtal við hana í Sunnudagablaði Moggans.

Ég segi bara þetta að hún á eftir að gera það gott sem Utanríkisráðherra.

Margir eru svo á faraldsfæti núna um Hvítasunnuhelgina, en ég verð nú heima enda fer ég að vinna á morgun á Hvítasunnudag.

Það er af sem áður var, þegar ekki mátti vinna þessa frídaga eins og Föstudaginn langa, Páskadag og Hvítasunnudag.

Nú eru þessir dagar og aðrir frídagar að láta undan sinni Heilagleika og finnst mér það miður að sumu leiti.

Alltaf gott að geta fengið auka frídag frá amstri dagsins.

Önnur frétt sem ég sá frá einum bloggaranum, var að henni þótti miður að Ágúst Ólafur skyldi ekki hafa fengið Ráðherra embætti vegna þess að hann væri karl.

Það er ekki vegna þess sem hann fékk ekki ráðherraembætti, þó svo að Ingibjörg Sólrún hafi skipt Ráðherraembættum jafnt á milli kynja.

Það þurfti að huga að fleiri þættum, eins og hverjir væru í forustusætum og eins landsbyggðarþingmenn.

Þar sem 3 þingmenn voru fyrir framan hann í Rvík. (eins og hann sjálfur orðaði það), þá var þetta orðið erfitt að velja hann, þó svo hann væri varaformaður Samfylkingarinnar.

Reyndar hefur Ingibjörg sjálf sagt að Ágúst bíði mikið starf innan þings og utan, þar sem hún sjálf verður meira fjarverandi sem ráðherra.

Læt þetta nægja í bili.

ps. ég byrjaði á að skrifa án þess að hafa eitthvað fyrir framan mig, en eftir því sem á leið þá hafði ég eitthvað til að skrifa.

Ef manni finnst manni hafa ekkert til að skrifa um, þá er bara að byrja og þá kemur manni eitthvað í hug.

Þetta voru svona smá hugleiðingar.

Kveðja,

Hörður.

 

Strætó!

Sælir aftur Bloggarar.

Ég get ekki orða bundist en skrifa smávegis um þessa frétt hjá mbl.is um yfirlýsingu 11 ára krakka í Hólabrekkuskóla.

Fréttin er að finna á:

http://www.mbl.is/mm/frettir/innlent/frett.html?nid=1271398

Er ég sammála þeim í megin línum.

Rétt er að ef það væri ódýrara eða ókeypis fyrir börn undir 12 ára, þá mundu fleiri ferðast með Strætó.

Eins þarf að lækka fargjald fullorðinna um t.d. 10%.

Hafa tíðara ferðir með Strætó t.d. ferðir á 15 mín. fresti.

Eins er ég á því að ríkið þarf að koma að þessu og létta álögur af Strætó.

Eins þarf Ríkið að styrkja almennissamgöngur á einhvern hátt og efla fólk til að nota Strætó með t.d. einhverskonar mengunarskatt á bíla.

Eins gætu Borgaryfirvöld lokað einstökum götum í Borginni um hádaginn til að draga úr mengun t.d. í miðborginni og hvatt borgarbúa til að nota Strætó.

Læt þetta nægja í bili og hvet ykkur til að lesa pistilinn frá krökkunum.

Kveðja, Hörður.

„Kostnaður við strætósamgöngur myndi skila sér í umhverfis- og slysavernd"