Samfylkingin á að slíta stjórnarsamstarfinu nú þegar.

Sælir bloggarar.

Já nú er mælirinn fullur. Nú á Jóhanna að slíta strax stjórnasamstarfinu bæði vegna þess að VG ætla að setja kolefnisgjald á fyrirtæki en þó mest vegna þess að Ögmundur hafnar uppbyggingu á ferðaþjónustu til kínverjans Huang á Hoteli og gólfvöll á Grímstöðum á Fjöllum.

Það er sama hver erlendur maður eða fyrirtæki kemur til Íslands með einhverja peninga og vill hugsanlega fjárfesta hér á landi, allt er rekið til baka og VG virðist halda að allir útlendingar sem hér koma séu ótíndir glæpamenn.

Ég segi bara skammist ykkur VG.!!!!

Jóhanna nú er mælirinn fullur og slíttu stjórnarsamstarfinu.!!!!!!!

kv. Hörður.

Vekur spurningar um samstarfið

Tvöföldun Suðurlandsvegar frá Reykjavík til Selfoss.

Sælir bloggarar.

Ég var að skoða nýjan vef www.betraisland.is þar sem frumvörp og þingsályktunartillögur eru og getur fólk stutt mál eða verið á móti. einnig getur fólk komið með ný mál á dagskrá og vildi ég láta ykkur vita að ég gerði það.

Málið sem ég hef áhuga á er Tvöföldun Suðurlandsvegar frá Reykjavík til Selfoss. Rök mín eru þau að það ætti að byrja á þessu sem fyrst og til að fjármagna það er að semja við Lífeyrissjóði að lána Ríkinu fé til cirka 25 til 30 ára. Þannig ætti að vera hægt að komast áfram með þetta mál.

kv. Hörður.

Samanburður á Magna og kínverjanum Huang.

Sælir bloggarar.

Vegna skrifa minnar í síðustu grein, hefur orðið heilmikil umræða í athugasemdum hjá mér, þar sem menn hafa verið alltof heitt í hamsi og verið með ókurteisir, þannig að ég varð að eyða skrifunum, vil ég í þessarri grein gera smá samanburð á hvernig kanadíska fyrirtækið Magna kom hér inn og á framkvæmdamanninum og ferðafrömuðinum kínverjanum Huang.

Þegar Magna kom hér inn og keypti HS Orku þá gerði hann það í gegnum sænskt skúffufyrirtæki og þetta var náttúrulega orkuauðlind Íslendingar, en það sem kínverjinn Huang ætlar að gera er að koma til dyranna eins og hann er án þess að nota skúffufyrirtæki og án þess að taka auðlindir okkar. Það sem hann ætlar að gera er að hjálpa okkur að byggja upp ferðaiðnaðinn með því að kaupa land á Grímstöðum á Fjöllum og byggja þar Hotel og gólfvöll.

Ég sé ekki við hvað sumt fólk þarf að vera hrætt við það, einmitt þar sem hann sjálfur hefur sagt að hann sé ekki á höttunum eftir vatnsréttindum.

Vona að þetta skýri út muninn á Magna og Huang.

kv. Hörður.

Ögmundur kominn aftur til kalda stríðsins og nú er það Kínagrílan.

Sælir bloggarar.

Enn og aftur kemur Ögmundur fram á sjónarhólið og nú er það Kínagrílan allsráðandi og hann kominn aftur til kalda stríðsins, þar sem menn sáu óvini allstaðar. Við lifum á allt öðrum tímum í dag og við eigum ekki í stríði við Kína, ekki svo ég viti til. En Ögmundur heldur það allavega.

Ef við eigum að fá fjáfestingar inn í landið þá verðum við að láta pólitík og kalda stríðs hugsunarhátt út um gluggann og taka fagnandi ef einhver vill fjárfesta hér á landi, ekki veitir af.

En að sjálfsögðu verðum við að fara varlega og að lögum og allir verða að vera jafnir, hvort sem er Dani, Rússi, Þjóðverji eða Kínverji.

Það hlýtur að vera hægt að semja við Huang alveg eins og alla aðra t.d. að hann afsali sér öll vatnsréttindi eins og hann hefur sjálfur sagt og eins er hægt að semja við hann um hlutfall Íslenskra mannafla á framkvæmdatíma og líka hve hátt % Íslendingar eiga að fá vinnu á Hotelinu þegar það verður fullbyggt.

Ef menn hætta að vera í þessum Pólitíska sandkassaleik, þá er hægt að semja.

kv. Hörður.

Olnbogar sig ekki áfram á Íslandi

Svissneska fjárfestingafélag fær að reisa Hotel, en hvað með Kínverjann? Fær hann að reisa Hotel á Grímstöðum á Fjöllum?

Sælir bloggarar.

Ég var að lesa þessa frétt að viðræður við Svissneska fjárfestingafélagið World Leisure Investment um að byggja lúxushótel við hlið Hörpu gangi vel og jafnvel stefnt að því að skrifa undir samning fyrir áramót.

Það er gott og blessað að fá meiri fjárfestingu inn í landið, en hvað með Kínverjann (man ekki hvað hann heitir) sem ætlar að byrja að byggja Hotel á Grímstöðum á Fjöllum ef hann fær leyfi til að kaupa landið? Er það ekki líka fjárfesting sem skilar sér inn í landið okkar líka? Ég sé ekki mun á því hvort erlendi fjárfestirinn er Kínverji, Frakki, Þjóðverji eða Dani, ef allir fari að lögum og við getum grætt á því. Þeir sem halda því fram að Kínverji megi ekki reisa Hotel hér en bara aðrar þjóðir mundi ég kalla rasista.

kv. Hörður.

Telja hótel handan við hornið

Grikkland lætur undan ESB. (Stjórnin hélt velli hjá þeim).

Sælir bloggarar.

Var að lesa þessa frétt um að stjórnin í Grikklandi hélt velli í atkvæðagreiðslu á Gríska þinginu.

Ég held að Papandreau ætli ekki að setja málið í  þjóðaratkvæðagreiðslu, þar sem stjórnin hélt velli. Ég held að Papandreau hafi gefist upp fyrir Merkel kanslara Þýskalands og Sharkoci Frakklandsforseta, sem vilja stækka björgunarsjóðinn og að Grikkland skeri niður hjá sér og láti almenning borga eins og Alþjóðagjaldeyrissjóðurinn ætlaðist af stjórninni hér að gera.

Enn á ný á að bjarga bönkum og láta almenning borga brúsann, eins og er að gerast víða um heim. Vonandi stendur hann fastur á því að láta fara fram þjóðaratkvæðagreiðslu, en ég efa það stórlega. Það væri gaman að vita hvað mundi gerast ef Grikkir mundu fella björgunarpakkann í þjóðaratkvæðagreiðslunni. Þá yrði allt vitlaust í Evrópu og stjórnmálamenn mundu rífa í hár sér hlutabréf mundu falla og einhverjir bankar mundu fara á hausinn. En hvað svo? Jú, Grikkir gætu ekki borgað skuldir sínar og það þyrfti svo bara að semja um hvað þeir gætu borgað mikið. Held að til lengri tíma litið mundi ekki mikið breytast, en til styttri tíma, þá mundi nokkrir stjórnmálamenn hafa rifið í hár sér og nokkrir bankar hafa farið á hausinn.

Læt ykkur um að giska á framhaldið.

kv. Hörður.

Stjórnin hélt velli

Meira um styttingu vegar um Svínvetningabraut.

Sælir bloggarar.

Eins og ég talaði um í gær (sjá www.hordurj.blog.is) þá er ég ekki sammála því að stytta veginn frá hjá Blönduósi um svokallaða Svínvetningabraut.

Ég fékk athugasemdir á bloggsíðuna mína að þetta væri 14 km. stytting en ekki 16 km. og leiðréttist það hér með. Einnig fékk ég tölur um hvað mundi sparast í bensíni ef bílar keyrðu Svínvetningabraut í stað þess að fara í gegnum Blönduós. Það er margt í þessu sem þarf að athuga, ekki bara hvað sparast í bensíni, heldur eins og ég sagði í gær er hér heild byggðalag undir því komið að fá ferðamenn til sín, en ekki framhjá sér. Þetta er ekki síst mikilvægt á sumrin og tel ég alveg lífspursmál fyrir Blönduósinga að fá til sín alla þá ferðamenn sem þeir geta. Þarna er sjoppa, bensínstöð, veitingastaðir og Hótel á Blönduós sem er með marga í vinnu. Ef þetta allt hættir og fer á hausinn, þá getur Blönduós hætt að vera til.

Ef við svo tölum um flutningabílstjórana, þá þurfa þeir einhversstaðar að nema staðar og fá sér að borða og fara á salernið og liðka sig. Þeir eru ekki vélmenni sem keyra bara og keyra og nema aldrei staðar fyrr en á áfangastað. Og enn og aftur segi ég að Akureyri er ekki nafli alheimsins. (sjá www.hordurj.blog.is til að lesa fyrri grein um sama málefni).

Eitt af því sem Sigmundur Ernir talaði um í þinginu var að gera tollhlið á Svínvetningabraut sem einhverskonar málamiðlun vegna þessarra styttingu vegar. Ég held að það hafi enga þýðingu, við sjáum hvernig það er í famkvæmd í hvalfjarðargöngunum. Örrugglega 99% af allri umferð á norðurleið fer um hana. Það er bara á sumrin sem smá brot fer um hvalfjörðinn og þá þeir sem ætla að njóta útiveruna þar.

Svo má segja hver er þá gróðinn af styttingunni ef á að borga fyrir að fara Svínvetningabrautina í stað þess að fara í gegnum Blönduós? Það er allavega mjög lítill gróði ef nokkur. Svo er spurningin, hvar á þá tollhliðið að vera? Á það að vera við gatnamótin þegar maður kemur inn á Svínvetningabrautina? Eða á hún að vera á nýju brúnni sem þarf að byggja yfir Blöndu?

Ef fyrri leiðin verður valin, þá þarf að semja við bændur um að fá að fara um sína sveit frítt og svo hvað um ferðafólk sem er bara að ferðast þarna um og ætlar t.d. að gista á Húnavöllum sem er hótel á sumrin. Þeir þurfa að komast þarna klökklaust á milli, án þess að borga. Nei, eina leiðin til að hafa tollhlið er að hafa hana við brúna, áður en maður fer inn í Langadal. Reyndar gæti þá einhverjir svindlað sér leið sunnan megin við Svínavatn og náð að komast á veginn til Blönduvirkjun og þaðan yfir í Svartárdal og yfir brú þar sem er nálagt Vatnsskarði. (Þetta er sagt, ef hin nýja leið verður sett norðan megin við Svínavatn).

Þetta eru mínar hugsanir um þess leið, en vonandi þarf ekki að hafa neinar áhyggjur af því að af þessu verði á næstu árum, þar sem margt annað þarf að gera í vegabætur hér á landi t.d. þarf að fækka einbreiðum brúm.

Læt þetta gott heita í bili um þetta málefni, enda komið 2 greinar frá mér um þetta.

kv. Hörður.

Vegagerð á Íslandi: Á að fórna Blönduósi fyrir 16 km. styttingu vegar frá Reykjavík til Akureyrar?

Sælir bloggarar.

Ég get ekki setið kyrr án þess að leggja orð í belg hér, þar sem rætt var í dag (miðv.dag) á Alþingi um styttingu vegar milli Reykjavíkur og Akureyrar.

Hafa þingmenn ekki um annað að tala en þetta. Ég er algerlega á móti því að það eigi að fórna Blönduósi vegna örfárra km. styttingu vegar um svokallaða Svínavatnsleið fram hjá Blönduós. Sigmundur Ernir sem er aðal flutningsmaður þessara þingsályktunartilllögu, sér bara eins og Akureyri sé miðpuntur alheimsins og talar um að flutningskosnaður muni minnka hjá nokkrum fyrirtækjum á Akureyri sem flytja vörur til Reykjavíkur. Blönduós er með að ég held um 800 íbúa og ef þetta verður gert, þá er það dauðadómur yfir þeim. Þeir geta þá bara flutt sig í burtu. Honum virðist alveg sama um íbúana þar. Flutningskosnaður þar á að leysa á annan hátt og ekki bara á milli Reykjavíkur og Akureyri, heldur allstaðar á landsbygðinni og það þarf að gera það með sköttunum okkar að jafna flutningskosnaðinn.

Sigmundur Ernir nefndi það að Blönduósingar gætu bara flutt sjoppur, veitingastaði og alla þjónustu bara inn á Svínvetningabraut. Þetta er algerlega út í hött. Í fyrsta lagi er þessi braut langt frá Blönduósi en ekki í útjarði þess og svo held ég að bændur muni ekki láta pláss fyrir þetta á sínum jörðum.

Hann bar þetta saman við Selfoss og Borgarnes, en það er ekki samanberahæft, þar sem á þeim stöðum er mjög þröngt að fara í gegnum miðbæinn, en það er ekki hjá Blönduósi. Líka er verið að tala um að færa veginn á þessum stöðum rétt í úthverfi þess, en ekki 10-15 km. í burtu eins og í tilfelli Blönduósi.

Eins hafa menn gleymt því að fyrir nokkrum árum var bygður góður heilsárvegur yfir Þverárfjall frá Blönduósi til Sauðárkrók sem kostaði skildinginn, örugglegar yfir 500 milljónum. Sú leið dettur þá dauð niður að mestu. Eins var talað um vont veður á vetrum á einum stað í Langadal og borðið saman við vont veður við Esjuna og Hafnarfjall. Þetta eru engin rök, þar sem líklega er ekki ófært nema cirka 2-3 daga á ári og það eru örugglega fleiri dagar sem verða ófærir á Öxnadalsheiði sem menn komast ekki hjá því að fara þegar menn fara til Akureyrar.

Ferðamanna straumurinn mun þá fara að mestu framhjá Blönduósi og öll þjónusta t.d. sjoppur, bensínsala, veitingarekstur, sundlaug (hún er glæný hjá Blönduós og var þeim dýr) og hótelrekstur mundi þá leggjast að mestu af og þá mundi þetta alveg fara með alla atvinnustarfsemi frá Blönduósi og þeir mundu ekki lifa þetta af.

Einnig hefur Sigmundur líka gleymt því að öll Sveitarfélögin í A-Húnavatnssýslu eru á móti þessu og mundu aldrei samþykkja þessa breytingu á veginum. Mér finnst að hann ætti að afturkalla þessa tillögu sína, því hún verður aldrei samþykkt.

Það eru mörg brýnni vegamál á dagskrá á landinu en þetta. t.d. betri vegtenging á sunnanverðum Vestfirðum, Suðurlandsvegur til Selfoss og Vesturlandsvegur frá Reykjavík til Hvalfjarðaganga og þá kemur upp í hugann hin svokallaða Sundabraut, sem flestir eru búnir að gleyma.

Nei, talið um brýnni mál á þingi og látið Blönduósinga í friði, svo þeir megi vaxa og dafna, ekki veitir af þar sem margir staðir út á landi þar sem fækkar íbúum og er Blönduós engin undantekning.

Læt þetta nægja í bili, en það væri hægt að tala miklu meira um þetta og geri ég það kannski seinna.

kv. Hörður.

Vegagerð í landinu í hnút og Ögmundur stoppar allar framkvæmdir.

Sælir bloggarar.

Það hefur mikið verið rætt undanfarið um vegagerð á sunnanverðum Vestfjörðum og sitt sýnist hverjum um hvaða leið eigi að fara.

Mér sýnist að vegagerð sé þar í hnút og að Ögmundur ráðherra sé hræddur og  geri þess vegna ekkert.

Þetta er alveg fráleitt að stoppa allar framkvæmdir þarna og á öllu landinu, vegna tafa ráðherra.

Eins var þetta hérna á Suðurlandsvegi frá Reykjavík til Selfoss. Ráðherra fór í vörn og hætti við allt saman bara vegna þess að einhverjir náungar hrundu af stað undirskriftasöfnun (sem var á villigötum) hvort menn vildu fá vegatolla út frá höfuðborgarsvæðinu. Og að sjálfsögðu vildi fólk það ekki, enda vill fólk ekki að hækka skatta á þá. Þess má geta að það var aldrei ákveðið að fara í vegatolla, aðeins voru reifaðar hinar ýmsu hugmyndir hvernig ætti að fjármagna tvöföldun vegarins. Þessar hugmyndir voru ekki útræddar, en vegna þessara undirskriftarsöfnunar, þá hætti ráðherra við allt saman eða var hræddur og nú er allar framkvæmdir í vegagerð stopp í landinu.

kv. Hörður.

Styðja ákvörðun um að hlífa Teigsskógi

Stöð 2 sýnir bara leikir Man. U. og Liverpool í deildarbikarkeppninni á Englandi.

Sælir bloggarar.

Ég tel mig vera nokkuð góðann áhugamann um Enska boltann og í kvöld átti deildarbikarkeppnin að byrja í Englandi.

Ég settist því fyrir framan sjónvarpið í kvöld til að horfa á mitt lið Arsenal keppa við lið í neðri deild. En hvað gerist, það er bara sýnt frá 1 leik í kvöld en það er Leeds og Man. U., Þó svo Stöð 2 eigi margar sportrásir. t.d. frá sport 3 til 6 sem aukastöðvar til að nota, þegar margir leikir eru sýndir í einu.

En nei, þeir notuðu bara sport 1 til að sýna einn leik. Þarna voru í kvöld fleiri leikir ekki bara Arsenal sem ég missti af t.d. var Stoke og Tottenham að leika og fleiri. Ég hef borgað áskriftina dýrum dómum þennan mánuð, bæði Enska boltann og líka sport 1 sem sýnir aðrar íþróttir t.d. Spænska boltann og Meistaradeildina en samtals fyrir þessa báða rásir borgar maður cirka 9.000 - 10.000 kr. eftir því hvaða afslætti maður fær. Þessu mótmæli ég að maður fái ekki að sjá fleiri leiki. t.d. á morgun er á dagskrá Brighton og Liverpool, en engir aðrir leikir. Þá á t.d. að leika Chelsea og Man. City í deildarbikarkeppninni (ekki þó saman, heldur við önnur lið) og ekkert á að sýna frá þessum leikjum. Þetta er mjög óréttlátt, þar sem ekki eru allir aðdáendur Man. U. og Liverpool, þó þeir séu stærstu klúbbarnir.

kv. Hörður.