Frábært mark hjá Zlatan!

Sælir Bloggarar.

Það er rétt hjá Aresene Wenger knattspyrnustjóra Arsenal að það þurfi framúrskarandi íþróttamenn (fótboltamenn) til að geta skora mörk á borð við hið ótrúlega mark sem Svíinn Zlatan Ibrahimovic skoraði gegn Englandi sl. Miðvikudag.

Svona mark kemur aðeins á nokkra ára fresti og jafnvel aðeins á 10 ára fresti. Þetta var ótrulegt mark.

Kveðja, Hörður.

Wenger: Mark Zlatans ekki fyrir meðalmanninn

Stöð 2 sýnir bara leikir Man. U. og Liverpool í deildarbikarkeppninni á Englandi.

Sælir bloggarar.

Ég tel mig vera nokkuð góðann áhugamann um Enska boltann og í kvöld átti deildarbikarkeppnin að byrja í Englandi.

Ég settist því fyrir framan sjónvarpið í kvöld til að horfa á mitt lið Arsenal keppa við lið í neðri deild. En hvað gerist, það er bara sýnt frá 1 leik í kvöld en það er Leeds og Man. U., Þó svo Stöð 2 eigi margar sportrásir. t.d. frá sport 3 til 6 sem aukastöðvar til að nota, þegar margir leikir eru sýndir í einu.

En nei, þeir notuðu bara sport 1 til að sýna einn leik. Þarna voru í kvöld fleiri leikir ekki bara Arsenal sem ég missti af t.d. var Stoke og Tottenham að leika og fleiri. Ég hef borgað áskriftina dýrum dómum þennan mánuð, bæði Enska boltann og líka sport 1 sem sýnir aðrar íþróttir t.d. Spænska boltann og Meistaradeildina en samtals fyrir þessa báða rásir borgar maður cirka 9.000 - 10.000 kr. eftir því hvaða afslætti maður fær. Þessu mótmæli ég að maður fái ekki að sjá fleiri leiki. t.d. á morgun er á dagskrá Brighton og Liverpool, en engir aðrir leikir. Þá á t.d. að leika Chelsea og Man. City í deildarbikarkeppninni (ekki þó saman, heldur við önnur lið) og ekkert á að sýna frá þessum leikjum. Þetta er mjög óréttlátt, þar sem ekki eru allir aðdáendur Man. U. og Liverpool, þó þeir séu stærstu klúbbarnir.

kv. Hörður.

Nú er um að gera að herða upp hugann Arsenal.

Sælir Bloggarar.

Þetta var agalega sárt tap í dag gegn Bolton. Það er allavega fyrir okkur Arsenal menn.

En nú er bara að herða upp hugann Arsenal og vinn síðustu leiki og sérstaklega gegn Man U.

Nú þarf Wenger virkilega að fara að huga að því að ná í nýja leikmenn t.d. nýjan markmann og láta Alemunia fara. Einnig þarf að bæta við varnarmann. Einnig þarf að fá nýjan framherja og láta Chamak og Bendtner fara frá sér.

Wenger þarf að fara að opna budduna í sumar til geta fengið einhverja titla á næstu leiktíð.

kv. Hörður.

Wenger: Möguleikarnir nánast úr sögunni

Glæsilegt hjá Arsenal.

Sælir Bloggarar.

Þetta er glæsilegt hjá Arsenal að vera kominn á toppinn og það án þess að vera með Henri.

En eins og Wenger segir þá er mikill vilji og kraftur hjá þeim og þeir virðast þjappa sér saman eftir að hafa misst Henri.

Ég hlakka til að fylgjast með þeim í vetur.

Eins verður gaman að fylgjast með West Ham.

Þeir eru að gera góða hluti, þó hluti að liði þeirra sé meiddur.

Kveðja, Hörður.

Wenger: Mikill vilji og kraftur hjá mínum mönnum

Arsenal á mikilli siglingu og AC Milan meistari meistaranna.

Sælir Bloggarar.

Bara stutt hjá mér, en það var mjög ánægjulegt að Arsenal skyldi sigra Porsmouth 3-1.

Sérstaklega var Fabreakas góður þar sem hann skoraði annað markið.

Þetta virðist ganga upp hjá Wenger að hafa ungt lið.

Þó sakna ég ennþá Henri.

Annað sem vakti athygli mína var að AC Milan varð um helgina meistari meistaranna, þar sem mættust Sevilla og AC Milan sem unnu evrópukeppnina sl. vetur. (Meistardeildina og UFEA bikarkeppnina).

Læt þetta nægja í bili.

Kveðja, Hörður.

Arsenal á Sigurbraut.

Sælir Bloggarar.

Jæja þá er Enski boltinn kominn vel af stað.

Mínir menn frá Arsenal fara vel af stað og unnu í dag.

Þeir eru nú komnir með 7 stig og hafa ekki tapað leik.

Samt verð ég nú að segja að ég sakna Henry.

Vonandi standa ungu mennirnir sig hjá þeim, en það er stefna hjá Wenger að nota mest unga menn.

Annars eru það Liverpool sem er besta liðið í dag og var t.d. Fernandos Torres í frábæru formi hjá þeim í dag.

Það hefði verið gaman ef Arsenal hefði krækt í hann!

Mín spá fyrir veturinn er sú núna að Liverpool vinni deildina, en vonandi verður svo Arsenal í 2 eða 3 sæti.

Það sem hefur komið á óvart er það að Man U. er í 19 sæti.

Þeir verða eiginlega að vinna Tottenham á morgun.

Læt þetta nægja í bili.

Kveðja, Hörður.

Meira um fótboltamál í Breiðholti.

Sælir bloggarar.

Ég vil aðeins koma mínum sjónarmiðum mínu hér skýrt fram, vegna spurninga annarra bloggara að menn verða að stíga upp úr þeim ríg að öll hjól snúist bara um þeirra félag.

Ef málin eru skoðuð í heild, væri það farsælast að sameina Leiknir R. og ÍR.

Þá væri hægt að einhenta sér í að gera rausnarlega í uppbyggingu á svæði ÍR í mjódd.

Það væri öllum fyrir bestu.

Ef við skoðum stöðu þessara liða, þá kemur í ljós að Leiknir R. er í 1 deild og verður örrugglega í neðrihluta þeim þegar upp verður staðið.

Og ef við skoðum svo stöðu ÍR þá er hún ekki glæsileg.

ÍR er í 2 deild og virðist ekki ætla að komast upp úr þeirri deild.

Ef á að koma kraftur í fótboltann hér í Breiðholti, þá er þetta eina úrræðið sem ég sé.

Það svæði sem losnaði ef Leiknir flytti, gæti verið krafa frá þeim um það að Borgin myndi styrkja ríkulega uppbyggingu niðri í mjódd.

Ég held læt þetta nægja í bili, en bloggarar vinsælast lesið bloggið á undan og þá sjáið þið að þessi hugmynd er mjög góð fyrir bæði félögin.

Kveðja, Hörður.

Fótboltaliðið Breiðholt eða BH.

Sælir bloggarar.

Þessi grein er í raun framhald 2ja síðustu greina frá mér, þar sem ég fjallaði um breytingar á Breiðholtslauginni.

Í þessari grein mun ég aftur á móti snúa mér að því að greina það af hverju ætti að sameina Leiknir R. og ÍR og búa til sterkt Breiðholtslið sem ég kalla BH.

Til að uppbyggingin á svæði Breiðholtslaugarinnar verði trúverðug og að nýta sem best lóðina og einnig að gera fótboltann í Breiðholti sterkari og betri þá er alveg nauðsynlegt að sameina þessi 2 félög.

Mig minnir að ég hafi farið á borgarafund sem var haldinn hér í Breiðholtinu fyrir nokkrum árum þegar Ingibjörg Sólrún Gísladóttir var Borgarstjóri og að það hafi verið minnst á að styrkja fótboltann eða alla vega íþróttaaðstöðu hjá ÍR ef Leiknir og ÍR mundu sameinast.

Ekki man ég um hvað talað var en það ættu allir að sjá að ef þessi 2 lið myndu sameinast, þá myndi koma mjög sterkt lið út úr því.

Leiknir R. er í 1 deild og ÍR í 2 deild, þannig að saman gætu þau komið upp í úrvaldsdeildina þar sem það ætti heima.

Ég myndi  kalla þessa nýja félag BH (Breiðholt).

Með því að sameina þau og flytja starfsemi þess niður í mjódd, þar sem ÍR hefur núna starfsemi, þá gæti borgin styrkt hið nýja félag með því að byggja nýjan fótboltavöll með t.d. 1.000 manna áhorendastúku.

Þá myndi einhverjir spyrja, hvað með aðstöðuna sem Leiknir hafði við Austurberg?

Það mætti hugsa sér margt, þar sem mikið svæði myndi losna þarna.

Í fyrsta lagi væri hægt að hafa Breiðholtslaugina stærri eða þessi "Vatnsrenniparadís".

En ekki bara það, heldur væri hægt að byggja 2 til 3 íþróttahús, eitt fyrir Handbolta annað fyrir Körfubolta og einnig væri hægt að koma fyrir smá verslunarmiðstöð með íþróttaverslanir á lóð Leiknis.

Og í staðinn myndi borgin styrkja hið nýja félag með uppbyggingu í Mjóddinni.

Reyndar væri þetta líka mikil uppbygging fyrir aðrar íþróttir líka, þar sem borgin gæti byggt íþróttahús á Leiknis svæðinu.

Ef þið kæru lesendur hugsið betur út í þetta, þá sjáið þið hve mikil hagræðing þetta væri.

Núna er Leiknir með smá kofa og fótboltavöll og ég hef ekki séð neinar breytingar þarna síðustu ár. (menn verða þá að upplýsa mig ef ég hef rangt fyrir mig).

Þarna væri hægt að koma fyrir góðri íþróttamiðstöð og t.d. skautasvell, aðstöðu fyrir Handbolta, Körfubolta, Júdó, Karate, Íshokkí og margt fleira.

Ég myndi stoltur halda með hinu nýja fótboltafélagi BH.

Þarna gæti allsherjar uppbygging komið til hagsbótar fyrir Breiðhyltingar og Reykvíkinga.

Kveðja, Hörður.

Meira um Breiðholtslaugina.

Sælir Bloggarar.

Aðeins meira um Breiðholtslaugina.

Ekki er ég sammála einum bloggvini mínum að láta loka lauginni.

Eins og ég sagði í gær um stækkun á Breiðholtslaugina, þá get ég aðeins skýrt fyrir ykkur þeim hugmyndum sem ég hef um það sem ég kalla "Vatnsrennibrautargarð eða Vatnsleikjagarð".

Mínar hugmyndir eru þær að þær séu undir þaki sem mundi verða á milli íþróttahússins í Austurbergi og að hinni nýju 25 metra innilaug (sem er mín hugmynd).

Ég hafði hugsað mér að þetta væri hvolþak, hæst í miðjunni með um 5 metra hárri súlu eða "sveppi" sem sprautað mundi vatni niður í stóran pott.

Þess má geta að svona "sveppur" að vísu lítill er í Suðurbæjarlaug í Hafnarfirði.

Mínar hugmyndir eru síðan að hafa 2 til 3 gerðir að Vatnsrennibrautir fyrir krakka mismunandi stórar.

Líka væri mín hugmynd að hafa stóran gosbrunn cirka 3-4 metra þarna,

Þær súlur sem mundi halda hvolþakinu uppi væri síðan hægt að skreyta í mörgum mislitum litum t.d. gulum, rauðum, grænum og bláum eins og Regnboginn er.

Hliðin sem mundi snúa að lauginni sjálfri (25 metra djúpulauginni) væri með stóra og mikla glerbygging sem skreytt væri stórri mynd af Reykjavík.

Síðan væri plantað nokkrum Pálmatráum og hafðir bekkir fyrir fólk og eins kaffihús og eða sjoppa þar sem fólk gæti fengið sér bita.

Svo mætti hafa á hinum veggnum sem snýr að Leikni t.d. nokkur fiskabúr sem fólk gæti skoðað. Þarna væri hægt að hafa smá vísi af fiskasafni svona sýnishorn af þeim fiskitegundum sem við höfum hérna við Íslandsstrendum.

Margt fleira þyrfti þá að taka í gegn ef þetta yrði af veruleika eins og með að endurnýja búningsklefa ogfl.

Að sjálfsögðu yrði að rukka sérstaklega inn í þessa Vatnsrenniparadís og gæti þetta orðið svona.

a) Fólk keypti aðgang að sjálfri lauginni.

b) Fólk keypti aðgang að lauginni og tækjasal.

c) Fólk keypti aðgang að lauginni og gufubað (eins gæti verið að fólk vildi kaupa aðgang að tækjasal.)

d) Fólk keypti aðgang að lauginni og hinni nýju Vatnsrennibrautarparadísar.

Sérstakt armband yrði gert sem fólk mundi nota til að komast inn í hina nýju Vatnsrennibrautarparadísar.

Mín tillaga yrði að fyrsta árið yrði hærra gjald eða heill dagur væri um 1.000 kr. en mundi lækka á öðru ári, eftir því sem meiri innkoma kæmi inn.

Þarna væri tildæmis hægt að hafa hópa til einkasamkvæma en þó aðeins eftir kl: 20 á kvöldin.

Vatnsrennibrautarparadísin væri þó opinn eins og lauginn eða til kl:22 á kvöldin.

Held að ég hafi náð að skýra mínar hugmyndir með þessarri grein og eins með síðustu.

Næsta grein mun ég fjalla um sameiningu fótboltafélagsins Leiknis og ÍR hérna í Breiðholti.

Kveðja, Hörður.

Leikurinn í dag var hörmulegur.

Ég ætla aðeins að minnast á leik okkar gegn Liechtenstein.

Ég var að vísu í vinnunni að afgreiða hjá Olís í Mjódd, en sá þó leikinn með öðru auganu, þar sem sjónvarpskjár er þar.

Til að gera langa sögu stutta, þá var leikur Íslands mjög tilþrifalítill og hörmulegur.

Við áttum að vinna, því okkur sárvantaði 3 stig til að laga okkar stöðu í riðlinu.

Við höfum núna tapað að mig minnir 4 leiki í röð og eitt jafntefli, sem er óásættanlegt.

Ég man þá tíð þegar Guðjón Þórðarson var landsliðsþjálfari að staða okkar var allt önnur og betri.

Þá er spurningin, hvað er hægt að gera?

Veit ekki, en það hlýtur að fara að hitna undir Eyjólfi núverandi þjálfara.

Kannski væri best að finna annan, sem gæti hrist upp í þessu.

Ég var einnig að lesa um Leikinn Danmörk og Svíþjóð.

Þetta hefur verið alveg makalaus leikur og á eftir að reynast Danmörku þungur í skaut.

Þeir munu örrugglega fá þunga sekt og kannski heimaleikabann.

Læt þetta nægja um fótboltann í bili.

Kveðja, Hörður.