Málþóf Sjálfsstæðisflokksins!

Sælir Bloggarar.

Enn og aftur er Sjálfstæðisflokkurinn að tefja mál á Alþingi. Hef verið annað slagið að fylgjast með málum í kvöld. Þeir hafa haldið langar ræður og hafa verið að ræða eitt mál nánast í allan dag og er það um tímabundnar endurgreiðslur vegna kvikmyndagerðar á Íslandi. Þetta var 3ja umræða og hefði maður haldið að búið væri að ræða það sem hægt væri um að ræða.

Mig grunar hins vegar að þeir séu að tefja mál núna á Alþingi vegna Stjórnarskrár málsins. Þetta er mjög miður þar sem mörg og góð mál bíða afgreiðslu á Alþingi. Með þessu hátterni verða menn bara að tala á Alþingi alveg fram að kosningum til að öll góð mál komist á leiðarenda.

Kveðja, Hörður.